நீலவானில்

நீலவானில் நிலவழகு
கருங்கூந்தல் அசைவழகு

புன்னகைக்கும் மென்புயல்
வெண்மாதுளை மணிகளாலே

கண்மூடிக் கற்பனையில்
காற்றில் நீந்துகிறாள்

விண்சாரல் வீதிதனில்
யாரிவள் என்கனவில்?

~~~~~~~~~~~~~~~~
வரிகள்: சிறி ஆரோன்

நேரிசை ஆசிரியப் பா

நல்லா ருளமோ நாளும் நினையும்
இல்லாத மாந்தருக் கீந்திடில் எந்தன்
வல்ல இறையோன் வாழ்த்துகாண்
எல்லா வளமுற நலமாய் வாழி

~~~~***~~~

வரிகள் சிறி ஆரோன்

பொது இலக்கணம்

**************************

✅நான்கு சீர்களைப் பெற்றுவரும்.

✅ஆசிரியவுரிச் சீர்களான மாச்சீர், விளச்சீர்களைப் பெற்றுவரும். சில காய்ச்சீர்களும் வரலாம். அவை மாங்காய்ச் சீராக மட்டுமே வரும். (பயிற்சியென்பதால் வாராதிருத்தல் சிறப்பு.)

✅மூன்றடி சிற்றெல்லையும், வரையறையில்லாப் பேரெல்லையும் உடையதாய், ஈற்றயலடி முச்சீராய், ஏனைய அடிகள் நாற்சீராய் வரும்.

✅இரண்டடிகளுக்கு ஓரெதுகையும்,

✅ஒவ்வோர் அடியிலும் பொழிப்பு

✅மோனையும் பெற்று வரும். (முதல் சீரிலும் மூன்றாம் சீரிலும் அமைவது பொழிப்பு மோனை எனப்படும்.)

✅ஈற்றடி ஏகாரத்தில் முடியும். ஓ, ஆ, ஆல் என்றும் வரலாம். ஏகாரமே சிறப்பு.

~~~~***~~~~

பைந்தமிழரசு பாவலர் மா. வரதராசன்

  (ஆசானால் தொகுக்கப்பட்டது)